ПРОГРАМА "А"

Армирано бетонска монтажна конструкција систем "Карпош", програма "А" е потполно монтажна конструкција.
Конструкцијата се состои од: столбови, примарни и секундарни "Т"-носачи, лакови со затега, коруби и фасадни платна, темелни греди и стопи.
Распони кои се совладуваат со овој систем се од 16-24 м.

ПРОГРАМА "Б"

Армирано бетонска монтажна конструкција систем "Карпош", програма "Б" е потполно монтажна конструкција составена од: столбови, главни носачи, темелни греди, ивични венци, рожници, фасадни платна и стопи.
Распони кои се совладуваат со овој систем се од 16-28 м.
Конструкцијата нуди флексибилност во основа и по висина, а можни се и комбинации од двата система.
Елементите се изработуваат на индустриски начин во метални калапи по важечки прописи и под постојана контрола на сопствена лабораторија.
Фасадните елементи се топлотно изолирани со стиропор со д=5-7см, по барање на инвеститорот.
Предноста на овие системи се мали димензии и тежини на елементите, добра статичка искористеност на елементите, брза монтажа, возможност за етапно градење и економска конструкција. Поради тоа што се погодни за изградба на производни погони, складишта, стопански, спортски и други видови објекти.