Сé започна далечната 1948 година. Потребна е забрзана изградба на разрушената земја по Втората светска Војна. На 11 февруари, со решение бр.1334, донесено од Владата на Република Македонија, предлог на министерот за индустрија и рударство, основано е претпријатието – Фабрика за бетонски производи Карпош, во населбата Ѓорче Петров, како претпријатие од републичка важност. Името го доби по народниот херој Христијан Тодоровски Карпош. Земени се 4 стари објекти, кои се адаптирани во погони. Истата 1948 година монтирани се два мостовски крана од 5 и 10 тона, кои се добиени како подарок, за работа во погонот Центрифуга. Се започна со производство на бетонски столбчиња за лозарство и бетонска галантерија.


Основната суровина за производство на бетон, песокот, се добива од сепарацијата на реката Лепенец, за кој со испитувања на сите реки од тогашна Југославија е окарактеризиран како најквалитетен.

Со производство на столбови за електрични далноводи се започна во 1966година. Производството е наменето за цела Југославија.

Првиот индустриски објект е изграден во 1968година, во Приштина за потребите на фабриката Косовка.

Во 2022 година, Фабрика Карпош го отвори својот најнов производствен погон во општина Илинден.

Овој современ капацитет е наменет за производство на префабрикувани бетонски елементи, изработени по највисоки технички и градежни стандарди. Со овој објект, компанијата ги зајакнува своите производствени капацитети и го поддржува развојот на модерната градежна индустрија во регионот.