Префабрикати

Монтажна градба – Брза, стабилна и флексибилна конструкција

Современи монтажни системи за брза и сигурна изградба

Фабриката „Карпош“ е специјализирана за системи на монтажна градба со префабрикувани армиранобетонски елементи, кои претставуваат современо решение за брза и сигурна изградба на различни типови објекти.

Овие системи овозможуваат голема флексибилност при проектирањето и обликувањето на конструкциите, овозможувајќи оптимални технички и просторни решенија – дури и за најсложените барања на инвеститорите.

Клучни предности:

Брзина на изградба – до 70% пократко време во споредба со класични методи

Долг работен век и отпорност на атмосферски влијанија

Прецизност и стандарден квалитет преку фабричко производство

Флексибилност во дизајн и функција

Минимална интервенција на терен

Неограничени просторни можности со распон од 12 метри до 30 метри

Примена на системите за монтажна градба:

Индустриски хали и магацини

Катни гаражи и логистички центри

Спортски сали и јавни објекти

Инфраструктурни објекти: мостови, потпорни ѕидови, пропусти, силоси и повеќе

Префабрикати

Предности на монтажната градба

Контрола

Реализацијата на проектите од бетонски префабрикати овозможува зголемена контрола во сите фази и од страна на сите учесници во градбата. Контролата на процесите овозможува ефикасно управување со времето, како и контрола на остварениот квалитет на производите во конструктивен и естетски смисол.

Квалитет и трајност

Технолошките процеси кои се употребуваат во текот на целата реализација на проектот резултираат со супериорен квалитет на производите во споредба со класичните системи на градба, а во понатамошната експлоатација овие системи се карактеризираат со исклучителна трајност, што влијае на минимизирање на трошоците за одржување на објектите.

Прилагодливост

Внимателно избраниот спектар на елементи овозможува исклучителна прилагодливост и практично неограничени можности за просторно обликување. Без особени ограничувања, системите се прилагодливи на објекти со еден или повеќе распони, приземни или повеќекатни објекти.

Брзина на градба

Правилното управување со проектите од фазата на развој, па се до фазата на реализација, овозможува ефикасно планирање на времето и негово рационално користење. Природата на процесот овозможува производство на конструктивните елементи уште во фазата на постапките за обезбедување на неопходните дозволи, што овозможува значително скратување на целокупното време потребно за реализација на проектот.

Голема пожарна отпорност

Монтажните системи од армиран и претходно напрегнат бетон се карактеризираат со супериорни карактеристики на противпожарната отпорност, особено во споредба со алтернативните системи кои инкорпорираат примена на други материјали.

Естетски и визуелен квалитет

Префабрикуваното производство на бетонски елементи овозможува избегнување на негативните аспекти на визуелната прифатливост на бетонските елементи кои се изведуваат монолитно. Истовремено овозможуваат практично неограничени можности и слобода во однос на обликот и формата на елементите, како и завршната обработка, односно не постојат огрничувања во однос на завршниот изглед на елементите.

Економичност

Унификацијата на производството, богатото искуство, развиените технолошки процеси и технологијата на изведба која подразбира поефикасно програмирање на работната сила на градилиштето, овозможуваат реализација на економични проекти, кои на Инвеститорите им обезбедуваат значителна заштеда.

Можност за демонтажа и рециклирање

Проектните решенија можат да бидат прилагодени за евентуална идна делумна или целосна демонтажа и повторна монтажа на објектите, а употребените материјали можат да бидат рециклирани.